ერთდღიანი ტური სამცხე-ჯავახეთში

თბილისიდან გავემგზავრებით სამცხე-ჯავახეთში, საქართვლოს უძველეს კუთხეში. ამ ტერიტორიაზე მრავალი არქეოლოგიური ძეგლია. შეიძლება ითქვას, რომ სამცხე-ჯავახეთის მიწა-წყალი მრავალ საიდუმლოს ინახავს.  არქეოლოგიურმა გათხრებმა ცხადყო, რომ ადამიანს სამცხე-ჯავახეთის ტერიტორიაზე უძველესი დროიდან უცხოვრია. მისი ღირშესანიშნაობებიდან ამჯერად ვეწვევით რაბათის ციხეს (IXს), რომელიც ამ მხარეში ერთ-ერთი ყველაზე მნიშვნელოვანი ტურისტული ობიექტია. აქ მოინახულებთ ისტორიულ ციხე-სიმაგრეებს, კოშკებს, ეკლესიებს და მეჩეთს, ასევე სხვადასხვა დანიშნულების ობიექტებს. რაბათის მთელ ტერიტორიას გარს არტყავს ტრადიციული ოთხი კოშკი, საიდანაც ფანტასტიური ხედი გადაგეშლებათ. ამის შემდეგ გავემგზავრებით საფარას მოსანახულებლად (X ს),  რომელიც საეკლესიო ხუროთმოძღვრების ერთ-ერთი გამორჩეული ტაძარია.  მასში კარგად ჩანს წინა საუკუნეების დიდებული მემკვიდრეობითობა. ტურს დავასრულებთ ხერთვისის ციხის მონახულებით. იგი ერთ-ერთი საუკეთესო ქმნილებაა ქართულ ხუროთმოძღვრებაში.  მთელი ანსამბლი ისეა შერწყმული კლდესთან, რომ მას მნახველი აღტაცებაში მოჰყავს.