ტურის ფარგლებში მოვინახულებთ ანანურის სამონასტრო კომპლექსს. ეს ხუროთმოძღვრული ანსამბლი საქართველოს გვიანფეოდალური ხანის ერთ-ერთი უმნიშვნელოვანესი ძეგლია. მასში თავმოყრილია საკულტო, სამხედრო და საერო დანიშნულების ძეგლები; სნოს ციხეს, რომელიც ხეობის ერთ-ერთ მთავარ სიმაგრედ ითვლებოდა. აქ მტრების შემოსევის დროს სნოვლები თავს აფარებდნენ. ასევე ვეწვევით სნოს ხეობაში მდებარე საპატრიარქორეზიდენციას. შემდეგ გავემგზავრებით ყაზბეგში, რომელიც თავისი მუდმივად თოვლით დაფარული მთებით არაჩვეულებრივად თვალწარმტაცია. სწორედ აქ მდებარეობს ულამაზესი გერგეტისსამება. საუკუნეების განმავლობაში ხევის ისტორიაში თითქმის ყველა მნიშვნელოვანი მოვლენა მასთან იყო დაკავშირებული. ჩვენი ქვეყნისათვის სახიფათო და განსაცდელებით აღსავსე წლებში ეკლესიის უდიდეს სიწმიდეებს, მათ შორის, წმიდა ნინოს ჯვარსა და მაცხოვრის სამსჭვალს გერგეტის ყოვლადწმინდა სამების ტაძარი იცავდა.