ტურისტული კომპანია
Garula Travel
გეპატიჟებათ „აკაკის ტურში“, ერის მგოსნის, აკაკი წერეთლის სახლ-მუზეუმისა და ადგილობრივი ღირშესანიშნაობების მოსანახულებლად.
აკაკი წერეთლის სახელწიფო მუზეუმი მდებარეობს საჩხერის მუნიციპალიტეტის სოფელ სხვიტორში, თბილისიდან 165 კმ-ში, ხოლო ქუთაისიდან - 90 კმ-ში. ორივე მხრიდან დაკავშირება შეიძლება საავტომობილო გზით, ქუთაისიდან შესაძლებელია რკინიგზითაც.
უმთავრესი ობიექტია როსტომის სასახლე, რომელიც შენარჩუნებულია პირვანდელი სახით და წარმოადგენს რეგიონში ერთ-ერთ უძველეს ნაგებობას. იგი აშენებულია როსტომ წერეთლის მიერ 1834 წელს. მემორიალს გააჩნია დამხმარე ნაგებობები, რომელთაგან აღსანიშნავია: მარანი, სასიმინდე, ბეღელი და სხვა.
მსურველებს შეუძლიათ დააგემოვნონ აკაკის მარანის ღვინო, ძირითადად ციცქას ჯიშის. მიმდინარე წლის სექტემბერში მწყობრში ჩადგა საგამოფენო დარბაზი - მდიდარი ექსპოზიციითა და მემორიალური ნივთებით.
სოფელ სავანეში აკაკის ძიძისეული ქოხის დათვალიერებისას
შესაძლებელია 1046 წელს აგებული წმინდა გიორგის
ერთნავიანი ბაზილიკის მონახულებაც.
ტარიფები:
· მოსწავლეთათვის - 1 ლარი
· სხვა დანარჩენ მნახველთათვის - 2 ლარი
· ექსკურსიამძღოლის მომსახურება 10 ლარი
· უცხოელთა მომსახურება ერთ პირზე 5 ლარი.