4 დღე თუშეთში თუში გიდის თანხლებით

4 დღე თუშეთში 17-18-19-20 ივლისს 551 836 777

1) დ ღ ე: კახეთიდან მდინარე სტორის ულამაზესი ხეობის გავლით ავდივართ საქართველოში ყველაზე მაღალ თორღვას აბანოს სამანქანე უღელტეხილზე (2900 მ), რომელიც გადადის თუშეთში. აქედან კახეთის და თუშეთის ულამაზესი ხედები იშლება. გზაზე საშუალება გვექნება ვნახოთ ჩანჩქერები, ზვავები, ალპური მდელოები, ცენტრალური კავკასიონის ქედის ულამაზესი, დათოვლილი მწვერვალები. შევივლით სოფელ ომალოში თუშეთის დაცული ტერიტორიების ადმინისტრაციის შენობის ვიზიტორთა საინფორმაციო ცენტრში, დავათვალიერებთ მუზეუმს. ფოტო გალერეის მეშვეობით გავეცნობით თუშურ კულტურას და ტრადიციებს. საოჯახო სასტუმროში სადილის შემდეგ დავათვალიერებთ სოფელ შენაქოს, წმ. სამების ტაძარს, ტრადიციულ ლუდსახარშს, სოფელს დიკლოს და ბიჭეხის ციხის კომპლექსს დაღესტნის საზღვარზე.

2) დღე: ავალთ ნაყაიჩოს ქედზე(2500 მ. ზღვის დონიდან)რომელიც თუშეთის შუაგულში მდებარეობს და თუშეთის დიდი ნაწილი მოსჩანს. მოვინახულებთ პირიქითის ხეობის სოფლებს თუშეთის არქიტექტურულ მუზეუმად გამოცხადებული ულამაზეს სოფელს დართლოს(იუნესკოს საცდელი ვერსია 2007წ), დანოს, ციხე-სოფელ კვავლოს, ჭეშოს, ფარსმას, აქ მდებარეობს ციხე-კოშკები საიდანაც ერეკლე II ელჩებს გზავნიდა რუსეთში. სასაზღვრო სოფელ გირევს, ნასოფლარ ჰეღოს.

3) დღე: მოვივლით გომეწრის ხეობის სოფლებს ბოჭორნას (ყველაზე მაღალა მდებარე სოფელი 2350მ), ულამაზესი, ვრცელი ხეობის ხედებით, მთის კალთებზე მიმოფანტული სოფლებით. სოფელ დოჭუს – სადაც ჯერ კიდევ შემორჩენილია უძველესი არქიტექტურით ნაშენი 3 სართულიანი ციხე – სახლები. სოფელ ილიურთას და იქ მდებარე წმ. გიორგის სახელობის ტაძარს, ვაკისძირს, ჯვარბოსელს, ვერხოვანს, წაროს.

4) დღე: ნასოფლარ აგეურთას, ზემო ომალოში კესელოს ციხე–კოშკების კომპლექსს, ომალოს გადასახედს, ქუეს გადასახედს. ტურის ღირებულება ერთი ადამიანისთვის – 260 ლარი კვებით. 210 ლარი კვების გარეშე. ღირებულებაში შედის: კვება 3-ჯერადი, ტრანსპორტი – (გამოცდილი, ადგილობრივი მძღოლები), საოჯახო სასტუმრო, გიდი. ტრადიციული, თუშური ხინკალი, უგემრიელესი კოტორი (ხაჭაპური) . სასმელი ღვინო და არაყი.

* სასტუმროში გვაქვს კუთხე სადაც საშუალება გექნებათ შეიძინონ თუშური ხელსაქმის ნიმუშები: წინდები, “ჩითები”, თექის ნამუშევრები.

* სასტუმროში აგრეთვე არის „მწვანე კუთხე“ სადაც განთავსებულია თუშეთში არსებული უნიკალური სამკურნალო მცენარეების ნიმუშები. დაინტერესებული ადამიანები მიიღებენ ამომწურავ ინფორმაციას მათი სამკურნალო თვისებების შესახებ.

გასვლა თბილისიდან – მეტრო ისნის მიმდებარე ტერიტორია 7:00 სთ

ტელ: 551 836 777 P.S. ტურის მოწყობა შესაძლებელია თქვენთვის სასურველ დღეებში.