გურია | სასტუმროები, დასვენება და ტურები გურიაში

აღმოაჩინე გურია

გურიის რეგიონი კოლხეთის დაბლობზე, საქართველოს სამხრეთ-დასავლეთ ნაწილში ბდებარეობს. დასავლეთით ესაზღვრება შავი ზღვა, სადაც მაგნიტური ქვიში სანაპიროებია, მეორეს მხრივ კი, გურიის მთებში ულამაზეს ბუნებას იხილავთ. გურიის ჰავა გამოირჩევა სამკურნალო თვისებებით, რადგან შერწყმულია ზღვისა და მთის ჰაერი.

რა ვნახოთ გურიაში

კურორტები- გომისმთა, ბახმარო და ნაბეღლავი

ზღვისპირა კურორტები- შეკვეთილი, ურეკი, გრიგოლეთი

კულტურული ძეგლები- ასკანის ციხე, უდაბნოს მონასტერი, ვაშნარის ნაქალაქევი

ნაკრძალი- კოლხეთის ეროვნული პარკი

გურიის კლიმატი

გურიის დაბლობი ნოტიო-სუბტროპიკული ჰავით ხასიათდება. ზაფხული ზომიერად ცხელია, ზამთარი-ზომიერად გრილი.

გურული სამზარეულო

მდიდარია მცენარეული, ნიგვზიანი კერძებით და სხვადასხვა სახის ფხალეულობით. პოპულარობით სარგებლობს საშობაო ღვეზელი, რომელიც ჰგავს ხაჭაპურს და მთვარისებრი ფორმა აქვს. გამორჩეული ყურძნის ჯიშებია- ჩხავერი, მტევანდიდი, ჯანი და ალადასტური.

საინტერესო ფაქტები

საქართველოში ყველაზე დაბალი ადგილი პალიასტომის ტბის მიდამოებია. (–2 მეტრი ზღვის დონიდან)
საქართველოს ტერიტორიაზე ყველაზე მაღალი საშუალო წლიური ტემპერატურით კოლხეთის დაბლობი გამოირჩევა.
2000 წელს ფოთში უმაღლესი ტემპერატურა- 45,5ºC დაფიქსირდა;
გურია მდიდარია მინერალური წყლებით, მათ შორის ყველაზე ცნობილია- ნაბეღლავი;
გურული ადამიანები საქართველოში ცნობილი არიან მათი იუმორით და სისხარტით;
ლანჩხუთში აღდგომის დღესასწაულს ტრადიციაა ლელოს თამაში;
გურიაში ქვედა პალეოლითიდან მოყოლებული ადამიანის ცხოვრების კვალია დადასტურებული;
გურიაში გავრცელებულია საცხოვრებელი სახლი ოდა, 3-6 ოთახიანი ფიცრული სახლი ხის იატაკითა და აივნით.

რჩევა

ეწვიეთ კურორტ ბახმაროს 19 აგვისტოს, სადაც საქართველოს სხვადასხვა კუთხის ცხენოსნები იკრიბებიან და იმართება ტრადიციული დოღი, ამავდროულად ხალხური რეწვის ნიმუშების გამოფენა-გაყიდვა.
ბახმაროში აუცილებლად ნახეთ მზის ჩასავალი გორა საღამოს და მზის ამომავალი გორა, გამთენისაას.