კახეთის არქიტექტურული ძეგლები

კახეთის ტერიტორიაზე ბევრი არქიტექტურული ძეგლია წარმოდგენილი, რომლებიც საქართველოს არსებობის სხვადასხვა ეტაპზე არის აგებული და თითოეული მათგანის აშენებას საინტერესო ისტორია უკავშირდება, თუ გსურთ გაეცნოთ ამ დიდი კულტურის მცირე, მაგრამ მნიშვნელოვან ნაწილს  და მეტი გაიგოთ თქვენი ქვეყნის ისტორიის შესახებ წამობრძანდით სამოგზაუროთ კახეთში...

   კახეთისაკენ გავემართებით გომბორის უღელტეხილის გავლით, მოვინახულებთ ახალი და ძველი შუამთის მონასტრებს.

       ახალი შუამთა, სახელწოდება მონასტერმა ადგილმდებარეობიდან მიიღო, რადგან სამივე მხრიდან მთები აკრავს. მონასტერი დაფუძნდა XVI საუკუნეში კახეთის მეფის ლევანის და მისი მეუღლის თინათინის მიერ. დედოფალი თინათინი ამავე მონასტერშია დაკრძალული, აქ იგი მოღვაწეობდა, როგორც მონაზონი.

 ძველი შუამთის ტერიტორიაზე რამდენიმე ნაგებობაა, არქიტექტურულად მცხეთის ჯვრის ტაძრის ფორმას იმეორებს ოღონდ მცირე მაშტაბებით.

        ჩვენი მოგზაურობა გაგრძელდება ალავერდის ტაძრის დათვალიერებით. ალავერდი თავდაპირველად მამათა მონასტერი იყო, სადაც არსებობდა საკმაოდ მოზრდილი ბიბლიოთეკა, რომელიც გამუდმებით მდიდრდებოდა გადაწერილი და შემოწირული ხელნაწერებით. 

შემდეგ მოვინახულებთ იყალთოს ტაძარს, მისი დაარსება დაკავშირებულია ცამეტი ასურელი მამის ზენონის სახელთან, რომელიც VI საუკუნეში მოღვაწეობდა. XI-XII საუკუნეში აქ მოღვაწეობდა არსენ იყალთოელი, რომელმაც დაარსა აკადემია. არსენ იყალთოელი ცნობილია, როგორც მეფე დავით აღმაშენებელის აღმზრდელი. ამჟამად აკადემიის მხოლოდ კედლები არის შემორჩენილი- პირველი სართული ორი ოთახით.

დღის ბოლოს დავათვალიერებთ ალექსანდრე ჭავჭავაძის სახლ–მუზეუმს წინანდალში.

საღამოს დაბრუნება თბილისში

დამატებითი ინფორმაციისათვის დაგვიკავშირდით:

მის: ქ.თბილისი, რ.თაბუკაშვილის 29

ტელ: 293 14 71

 მობ: 571 11 18 18

 E-mail: geo@capitaltravel.ge