ულამაზესი კოლხეთს სამეფო

დღე I:  შეკრება რუსთაველზე ველოსიპედის ძეგლთან და გამგზავრება  საქართველოს  დასავლეთ ნაწილში, ქალაქ ქუთაისში, რომელიც  იმერეთის მხარის ადმინისტრაციული ცენტრია და ანტიკური ავტორები მას ძველი კოლხეთის სამეფოს  დედაქალაქს უწოდებენ.

ქუთაისში ჩასვლისას პირველად ვესტუმრებით ბაგრატის ტაძარს, აგებულია X-XI საუკუნების მიჯნაზე, ბაგრატ III-ის (975-1014) მეფობის პერიოდში. შემდეგ მოვინახულებთ გელათის სამონატრო კომპლექსს, შემდეგ მოვინახულებთ გელათის მახლობლად, მდინარე წყლწითელას ხეობაში წმინდა ძმების დავით და კონსტანტინე მხეიძეების უკვდავ საყოფად აგებულ  სამონასტრო ანსამბლს-მოწამეთას, რომელთა ნეშთი  საკურთხევლის მარცხენა მხარეს არის დასვენებული. მათი ხსენების დღეს, 15 ოქტომბერს, მონასტერში ყოველწლიურად იმართება სახალხო დღესასწაული მოწამეთობა, მოწამეთადან დავიძრებით სათაფლიის მიმართულებით და მოვინახულებთ სათაფლიის მღვიმეს,რომელიც მდიდარია ქიმიური წარმონაქმნებით – გარდა სტალაქტიდებისა და სტალაგმიტებისა მღვიმეში მოიპოვება სვეტები , ლოდნარები, ნაზვავები და თიხის სქელი ნაფენები.

შემდეგ დავათვალიერებთ პრომეთესმღვიმეს, აქ თქვენ გელით 1,420 მეტრის სიგრძის ბილიკი და 6 თვალწარმტაცი დარბაზი, სადაც სტალაქტიდების ულამაზესი ნაღვენთი ფორმები, გაქვავებული ჩანჩქერებისა და ჩამოკიდებული ქვის ფარდების ზღაპრულ სამყაროს ქმნიან. ქვეითი ბილიკის სრულდება სანაოსნო ტურით მიწისქვეშა მდინარეზე, რომელიც თქვენს მიერ მღვიმეში მიღებულ საინტერესო შთაბეჭდილებებს კიდევ უფრო მრავალფეროვანს ხდის.

ვახშამი და ღამისთევა ქუთაისის ერთ-ერთ საოჯახო სასტუმროში, საიდანაც იშლება ლამაზი ხედები ქუთაისზე.

ვახშამი და ღამისთევა სასტუმროში.

დღე II:  საუზმე სასტუმროში

საუზმის შემდეგ გავემგზავრებით მარტვილის მიმართულებით, პირველად მოვინახულებთ მარტვილის ღვთისმობლის მიძინების ტაძარს, სიტყვა მარტვილი წარმოსდგება ბერძნული სიტყვისაგან, რომელიც ნიშნავს წამებულს, ხოლო მეგრული სახელწოდება ჭყონდიდი წარმოიშვა „დიდი ჭყონის“ - დიდი მუხისაგან. წარსულში, ჭვენიას მაღალი ბორცვი, რომელზედაც ახლა მონასტერია აღმართული, დამშვენებული იყო „ჭყონის“ (მუხის) ათასწლოვანი ხეებით.

შემდეგ გავემგზავრებით სოფელ გაჭედილის კანიონებისაკენ,კანიონის სიგრძე 2400, ხოლო ჩაჭრის სიღრმე- 20-40 მეტრია. იგი რამდენიმე ადგილას საფეხურებრივადაა დაყოფილი და შუა ნაწილში 12 მეტრი სიმაღლის მარტვილის ცნობილ, ულამაზეს ჩანჩქერს წარმოქმნის.საინტერესო ფაქტია ისიც, რომ კანიონში დედამიწაზე მცხოვრები ცხოველების გაქვავებული ძვლები აღმოაჩინეს, რომლებიც 75 მილიონ წელს ითვლიან.

გავისეირნებთ ნავებით

დღის ბოლოს სასიამოვნო შთაბეჭდილებებით დაბრუნება თბილისში.

დამატებითი ინფორმაციისათვის დაგვიკავშირდით:

მის: ქ.თბილისი,რ.თაბუკაშვილის ქ. 29/4

ტელ:293 14 71; 571 11 18 18